මුළු හදින් මම ඇයට පෙම් කොට
අනාගත පෙම් සිහින මැව්වෙමි
මගේ සොඳුරිය වෙනත් කෙනෙකුට
අයිති වුන හැටි බලා දුක් වෙමි //
නිසංසල තැනකට වෙලා
හඩන මගෙ ඇස් දෙක දෙස බලා
කියන්නකෝ දෙවියනේ
මේ දුක් කොහොම ඉන්නද ඉවසලා //
මගේ අත ගෙන කනට ළං වී
අනෙ සුදු මම ආදරේ යැයි
කියන්නට සිතුනේ ඇයිද සුදු
නොසිතුවෙද මට දුක් ලැබේයයි //
නිදැල්ලේ තුරුලට වෙලා
රහස් එක එක කොඳුරලා
සිනාසුනු හැටි මතක් වෙනකොට
කොහොම ඉන්නද ඉවසලා//
එදා රෑ ගං ඉව්ර අසබඩ
සුපුන් සද පායන වෙලාවක
කථා කී හැටි මතක් වෙනකොට
දුක දැ‍නෙයි පවතින අපායක //
මෙහෙම ලෝකෙක ඉපදිලා
හිතේ අදහස් සුන් වෙලා
මා උපන්නේ දුක් විදින්නද
දුක් කඳුළු මැද තනිවෙලා //
Title : Mulu Hadin Mama Aeyata Pem Kota
Singer : Narada Disasekara
Lyrics : Edman Jayasooriya
Music : Kularathne Tennakone
No comments:
Post a Comment