රන් කෙන්දෙන් බැඳ
අතැඟිළි එක් කල ආදරයයි
පෙම් රැහැනින් බැඳ
සිතුම් වසඟ කල ආදරයයි //
කිරිලිය සේ දුර පියාසලාලා
අත්තටු රිදුනා පමණයි
දෑළ විදාහල දෑත මගේ
ඔබටත් ඔහුටත් උරුමයි
හිරු සඳු එකවර දෙපස නැඟේ
කරුවල ඇයි විජිතයම මගේ
රන් කෙන්දෙන් බැඳ ...
කනාටු සුළගේ දුහුල් මලකි අද
වල්මත් වී පාවෙන්නේ
ඔබගෙන් දෝ ඔහුගෙන් දෝ
මා හෙට දින සමුගන්නේ ////
ගායනය : නන්දා මාලනී
පද රචනය : අජන්තා රණසිංහ
සංගීතය : සරත් දසනායක
චිත්‍රපටය: දුහුළු මලක්
No comments:
Post a Comment