රන්මසු රන් කිරි ගරුඬ තලාවක
සැලෙන හදින් ඔබ අමතන්නේ
පා යුග එසවෙනවා
මා ඔබ වෙත එනවා
ආවා සොයා . . . ආවා සොයා . . .
ආවා සොයා ආදරේ //
දෙසවන් වැසුව ද දෙනුවන් වැසුව ද
ඔබෙ හඬ ඔබේ රුව මට සිහි වේ
හිනැහී ආකාසේ දිනිඳා නැගෙනා සේ
ආවා සොයා . . . ආවා සොයා . . .
ආවා සොයා ආදරේ ...
ලස්සන මල් දහසක් අතරින්
ඔබගේ දසුන පෙනේ
කුංකුම චන්දන සුවඳ මැදින්
ඔබගේ සුවඳ දැනේ
මා ළයේ කුළුඳුලේ අනන්ත හැඟුම් මැවේ //
රන්මසු රන් කිරි.....
කල්ප ගණන් එකතුව උන්සේ
නිරතුරු මට වැටහෙයි
අල්පයකුදු ඔබ ළග නැතිනම්
කල්පය ලෙස තේරෙයි
ජීවිතේ මිහිරි බැව් හැගෙ‍න්නෙ ඔබෙන් තමා //
රන්මසු රන් කිරි.....
ගායනය : H.R.ජෝතිපාල
යුග ගායනය : ඇන්ජලින් ගුණතිලක
පද රචනය : කරුණාරත්න අබේසේකර
සංගීතය : සරත් දසනායක
චිත්‍රපටය : ආවා සොයා ආදරේ
අධ්‍යක්ෂණය : ලෙනින් මොරායස්
රගපෑම් : ගාමිණි ෆොන්සේකා,මාලනී ෆොන්සේකා
No comments:
Post a Comment